Sommige boere by Adelaide het meer as 100 mm gemeet. Die swaar reën het daartoe gelei dat die Koonaprivier sy walle oorstroom het.
Volgens mnr. Anthon Lombard, wat naby Adelaide boer, is hy tans afgesny van die wêreld nadat die Koonaprivier sy walle oorstroom het. Hy sê almal in die distrik het nie ewe veel reën gemeet nie. Hyself het 75 mm gemeet.
’n Boer in die distrik, mnr. James Barry, het reeds teen Dinsdagaand gewaarsku dat daar baie water op pad is. Hy het teen Woensdag ongeveer 120 mm reën gemeet.
