Die Suid-Afrikaanse Weerdiens voorspel dat dié laagdrukstelsel vandag buie oor die platorand en Laeveld van Limpopo en noordooste van Mpumalanga tot gevolg hê. Swaarder buie word Saterdag en Sondag verwag, wat tot vloede kan lei. Die buie kan ook met sterk wind gepaard gaan.
’n Uiters hoë brandgevaar word in die suidelike en sentrale dele van die Noord-Kaap, asook die noordoostelike dele van die Wes-Kaap verwag.
Hittegolf-toestande met hoë temperature bo die gemiddelde maksimum word tot Sondag in die Dawid Kruiper- en Kai !Garib-munisipaliteit in die Noord-Kaap verwag. Mooi en warm tot baie warm weer word vir die res van die provinsie voorspel.
In Gauteng, Mpumalanga en Limpopo sal dit vandag gedeeltelik bewolk en warm wees. Enkele donderstorms word in die verre noordooste van Mpumalanga en ooste van Limpopo verwag.
Mooi en warm tot baie warm weer word vir Noordwes en die Vrystaat voorspel.
Die weerdiens voorspel mooi en baie warm weer vir die Wes-Kaap. Dit sal egter plek-plek uiters warm oor die noordoostelike binneland van die provinsie wees.
Mooi en baie warm tot uiters warm weer word vir die Oos-Kaap voorspel met enkele buie oor die kus en aangrensende binneland en suide van die platorand.
Gedeeltelik bewolkte en warm tot baie warm weer word vir KwaZulu-Natal voorspel.
* Hoe lyk die weer in jou provinsie vandag? Stuur jou weerfoto’s na nuus@landbou.com.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
