Die Suid-Afrikaanse Weerdiens het ’n geel vlak 2-waarskuwing uitgereik vir swaar donderstorms en plek-plek vloede oor die Stad Kaapstad, die suide van die Sentraal-Karoo, Witzenberg, Drakenstein en Stellenbosch.
’n Oranje vlak 6-waarskuwing vir swaar donderstorms wat met hewige neerslae, skielike vloede en sterk wind gepaard kan gaan, is uitgereik vir die Overberg en Tuinroete.
Gedeeltelik bewolkte en warm tot baie warm weer met enkele buie en donderbuie word vir Gauteng, Mpumalanga, Limpopo, Noordwes en KwaZulu-Natal voorspel.
Mooi en warm weer, maar later gedeeltelik bewolk in die sentrale en ooste van die provinsie word vir die Vrystaat voorspel. Enkele buie en donderbuie word in die verre ooste van die provinsie verwag.
Mooi en warm tot baie warm weer word vir die Noord-Kaap voorspel. Die suidelike dele van die provinsie sal gedurende die middag gedeeltelik bewolk en koel wees met enkele buie en donderbuie.
In die Wes-Kaap word bewolkte en koel tot warm weer met enkele buie en donderbuie verwag. Wydverspreide buie word oor die ooste en suide van die provinsie verwag.
Mooi en warm weer word aanvanklik vir die Oos-Kaap voorspel. Daarna sal dit gedeeltelik bewolk wees met enkele tot verspreide buie en donderbuie.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
