Die Suid-Afrikaanse Weerdiens het gister ’n geel vlak 2-waarskuwing uitgereik vir ontwrigtende reënbuie wat plek-plek tot vloede kan lei in die ooste van Noordwes, Sentraal-Vrystaat, die suide van Gauteng, die suide van die Hoëveld, die Laeveld en platorand in Mpumalanga, Limpopo, die noorde van KwaZulu-Natal en die suidooste van die Oos-Kaap.
Verder is ’n oranje vlak 5-waarskuwing uitgereik vir ontwrigtende reën wat tot die verspoeling van paaie en nedersettings, laaggeleë gebiede en brûe kan lei langs die Wildekus, die aangrensende binneland in die Oos-Kaap, die suidelike en westelike gedeeltes van KwaZulu-Natal, gedeeltes van die Noordwes en die noordelike en oostelike gedeeltes van die Vrystaat.
Die weerdiens waarsku ook dat ’n uiters hoë brandgevaar vandag oor die sentrale gedeelte van die Noord-Kaap verwag word. Dit sal ongemaklik warm en bedompig in die Cederberg- en Bergrivier-munisipaliteit in die Wes-Kaap sal wees.
Bewolkte en koel tot warm weer met verspreide tot wydverspreide buie en donderbuie word vir Gauteng, Noordwes, die Vrystaat, KwaZulu-Natal en die Oos-Kaap voorspel. In Mpumalanga en Limpopo sal die gedeeltelik bewolk en koel tot warm wees met enkele tot verspreide buie en donderbuie.
Gedeeltelik bewolkte en warm tot baie warm weer word vir die Noord-Kaap voorspel met enkele tot verspreide buie en donderbuie oor die oostelike en noordelike gedeeltes van die provinsie.
Die weerdiens voorspel mooi tot bewolkte en warm weer vir die Wes-Kaap met baie warm toestande langs die Weskus verwag word.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
