Die Suid-Afrikaanse Weerdiens het ’n geel vlak 2-waarskuwing uitgereik vir ontwrigtende reën wat plek-plek tot vloede kan lei in die noordwestelike gedeeltes van die westelike Bosveld en Laeveld in Limpopo, asook die suide en weste van Mpumalanga.
’n Geel vlak 4-waarskuwing is uitgereik vir ontwrigtende reën en vloede in die Ntabankulu-, Mbizana-, Mbhashe-, Mnquma-, and Groot-kei-munisipaliteit, asook die distrik OR Tambo in die Oos-Kaap.
Die weerdiens waarsku dat ’n uiters hoë brandgevaar vandag in die Dawid Kruiper-, Kai !Garib- en !Kheis-munisipaliteit in die Noord-Kaap vandag verwag word.
In Gauteng, Mpumalanga, Noordwes, Vrystaat, KwaZulu-Natal en die Oos-Kaap sal dit vandag bewolk en koel tot warm wees met verspreide tot wydverspreide buie en donderbuie.
Gedeeltelik bewolkte en koel tot warm weer met enkele tot verspreide buie en donderbuie word vir Limpopo en die Wes-Kaap voorspel.
In die Noord-Kaap sal dit gedeeltelik bewolk en warm tot baie warm wees met enkele buie en donderbuie in die ooste en suidelike binneland, asook verspreide buie in die verre suidweste.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
