Die Suid-Afrikaanse Weerdiens voorspel gedeeltelik bewolkte en warm tot baie warm weer met verspreide buie en donderbuie in Gauteng, Noordwes, die Vrystaat en KwaZulu-Natal.
In Mpumalanga en Limpopo sal ligte reën vanoggend oor die Laeveld en langs die platorand voorkom.
Verder word gedeeltelik bewolkte en koel tot warm weer met verspreide buie en donderbuie gedurende die middag vir Mpumalanga voorspel. Bewolkte en warm weer met verspreide buie en donderbuie word vanmiddag vir die suide van Limpopo voorspel.
In die Noord-, Wes- en Oos-Kaap sal dit vandag gedeeltelik bewolk en warm tot baie warm wees met verspreide buie en donderbuie.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
