Verspreide tot wydverspreide storms en donderstorms word vanaf Saterdag verwag. Hewige reënval, vloede en swaar donderstorms is vir Sondag voorspel.
Volgens die weerdiens word reënval van 40 mm tot 60 mm vir die suidelike dele van die Kaapse Wynland en Sentraal-Karoo voorspel met van 70 mm tot 100 mm reën wat in die Overberg en Tuinroete verwag word. Die weerdiens verwag dat die reën veral in die Overberg en Tuinroete tot ontwrigting sal lei.
’n Geel vlak 4-waarskuwing vir swaar donderstorms, vloede en groot hoeveelhede klein haelkorrels is vir die suide van die Kaapse Wynland, Laingsburg en Prins Albert uitgereik. ’n Oranje vlak 6-waarskuwing vir swaar donderstorms met swaar neerslae, skadelike wind en kitsvloede is vir die Overberg en Tuinroete uitgereik.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
