Die Suid-Afrikaanse Weerdiens het gister ’n geel vlak 2-waarskuwing vir swaar donderstorms oor die Hantam en Karoo-Hoogland in die Noord-Kaap, asook die Kaapse Wynland, Swartland en Kaap Agulhas in die Wes-Kaap uitgereik.
’n Oranje vlak 5-waarskuwing vir swaar donderstorms wat met skadelike wind, groot hoeveelhede klein haelkorrels, swaar neerslae en moontlike vloede is uitgereik vir die Weskus en Witzenberg in die Wes-Kaap.
’n Geel vlak 2-waarskuwing vir ontwrigtende reën wat plek-plek vloede kan veroorsaak, is uitgereik vir die Wildekus en aangrensende binneland in die Oos-Kaap.
Mooi en warm weer wat later vanmiddag gedeeltelik bewolk sal word, word vir Gauteng voorspel. In Mpumalanga en Limpopo sal dit gedeeltelik bewolk en warm wees met ligte, enkele buie.
Gedeeltelik bewolkte en warm weer word vir Noordwes en die Vrystaat voorspel. Enkele buie en donderbuie word oor die westelike dele van die provinsies verwag.
In die Noord-Kaap sal dit gedeeltelik bewolk tot bewolk en koel tot warm wees met enkele buie en donderbuie, behalwe vir die sentrale en suidelike dele van die provinsie waar verspreide buie en donderbuie verwag word.
Die weerdiens voorspel bewolkte en koel weer vir die Wes-Kaap en Oos-Kaap met verspreide tot wydverspreide buie en donderbuie.
Gedeeltelik bewolkte tot bewolkte en koel weer met enkele buie en donderbuie word vir KwaZulu-Natal voorspel. Dit sal warm in die noorde van die provinsie wees.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
