’n Geel vlak 2-waarskuwing is vir dié
gebiede uitgereik. Volgens die Suid-Afrikaanse Weerdiens kan die donderstorms
lei tot groot hoeveelhede klein haelkorrels, sterk wind asook weerlig en die
verspoeling van paaie.
In Gauteng word mooi weer en warm toestande verwag, later sal dit gedeeltelik bewolk word met geïsoleerde buie en donderbuie laatmiddag.
Gedeeltelik bewolkte, winderige en warm toestande wat laatmiddag bewolk sal word met geïsoleerde buie en donderbuie word vir Mpumalanga voorspel.
Limpopo kan gedeeltelik bewolkte, winderige en warm tot baie warm toestande verwag, en volgens die weerdiens kan geïsoleerde buie en donderbuie vanaand in die suidweste van dié provinsie verwag word.
In Noordwes heers gedeeltelik bewolkte en baie warm toestande met geïsoleerde buie en donderbuie.
Volgens die weerdiens kan gedeeltelik bewolkte en warm tot baie warm toestande met geïsoleerde buie en donderbuie in die Vrystaat verwag word, en die ooste sal winderig wees.
Mooi weer kan in die sentrale dele van die Noord-Kaap verwag word met gedeeltelik bewolkte en uiters warm toestande in die res van die provinsie. In die ooste word geïsoleerde buie en donderbuie voorspel. Die wind langs die kus sal ’n ligte tot matige suidwestelike wind wees wat vanmiddag sterk suid tot suidwes sal word.
Die westelike dele van die Wes-Kaap kan mooi weer verwag, en in die res van die provinsie sal deels bewolk en koel tot warm wees. Die wind langs die kus sal aanvanklik matige suidwes wees, en later oos tot suidoos draai.
Bewolkte en koel toestande met geïsoleerde buie en donderbuie word vir die Oos-Kaap voorspel.
Ook in KwaZulu-Natal sal dit bewolkte tot koel toestande wees, buiten die noorde, waar dit warm en bewolk sal wees.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
