Foto: Suid-Afrikaanse weerdiens
Die tropiese storm Gombe het pas die noorde van Madagaskar bereik en sal na verwagting môre na die Mosambiekse kanaal beweeg.
Die tropiese storm Gombe, wat pas die noorde van Madagaskar bereik het, hou volgens die Suid-Afrikaanse weerdiens tans geen regstreekse gevaar vir Suid-Afrika in nie.
Die weerdiens voorspel dat die storm weens warm seeoppervlaktemperature sal versterk wanneer dit môre die Mosambiekse kanaal bereik. Dit sal teen Vrydag 11 Maart tot ’n tropiese sikloon versterk en die noorde van Mosambiek bereik. Daar word voorspel dat Gombe daarna teen Sondag 13 Maart na die Mosambiekse kanaal sal terugbeweeg.
Hoewel die storm tans geen regstreekse gevaar vir Suid-Afrika inhou nie, sal die weerdiens aanhou om dit te monitor.
