Die weerdiens het reeds ’n geel vlak 2-waarskuwing uitgereik
vir donderstorms oor die sentrale en oostelike dele van die Wes-Kaap vanaf
12:00 vanmiddag. Erge donderstroms kan oor die sentrale dele en die Klein-Karoo
voorkom vanmiddag. Dit sal na verwagting tot vanaand voortduur.
Die weerdiens waarsku dat die storms met sterk wind van 50-60 km/h gepaard sal gaan, met rukwinde van 80-90 km/h wat moontlik is. Groot haelkorrels van 2 cm tot 3 cm kan ook oor dele voorkom, veral in die eerste uur van die stormagtige weer. “Lede van die publiek word ook gemaan om versigtig te wees as hulle buite is, aangesien erge weerlig hoogs moontlik is.”
Volgens die weerdiens kan erge donderstroms en plek-plek swaar neerslae Saterdag en Sondag ook oor die grootste deel van die Wes-Kaap en die sentrale dele van die Noord-Kaap voorkom. Landbou.com berig binnekort meer hieroor.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
